Економската состојба во преработувачката индустрија во септември поповолна
Оценката за економската состојба во преработувачката индустрија во септември е поповолна во споредба со август, а како поповолна е оценета и во однос на септември минатата година.
Како што денеска објави Државниот завод за статистика, според оценката на раководителите на деловните субјекти, индикаторот на доверба во преработувачката индустрија во септември е за 0,6 процентни поени зголемен во однос на август, а за 6,2 процентни поени во однос на септември 2014 година.
Поповолна е обезбеденоста на производството со порачки и очекувањата за обемот на производството во наредните три месеци, а залихите на готови производи се намалени. Истото се однесува и на бројот на вработени, а просечното искористување на капацитетите на компаниите во септември изнесува 63,9 проценти од нормалното искористување.
Најголемо влијание на ограничувањето на обемот на производството имаат недостигот на квалификувана работна сила со 24,6 отсто, недоволната странска побарувачка со 23,8, недоволната домашна побарувачка со 23,5 и финансиските проблеми со 5,3 проценти.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево