„Експрес“: Премиерот Мустафа ја „воскресна“ демаркацијата

Косовскиот премиер, Иса Мустафа, по свеченоста за изградба на зградата на Институтот за јавната администрација, се осврна и на прашањето за демаркација на границата со Црна Гора.

Според него, ратификацијата на договорот за демаркација ќе се случи, бидејќи е во интерес на Косово и бидејќи „демаркацијата не е мртво прашање“.

- Тоа е во интерес на Република Косово, за земјата ги определи своите граници. Демаркацијата не е мртво прашање, како што денеска читав, бидејќи државата Косово е држава која заживува и границите треба да постојат, затоа што не постои држава без граници, и затоа ова ќе го направиме по секоја цена, ќе го направиме со целосно убедување на пратениците дека тие треба да работат за нивната држава, а не за личните интереси, изјави Мустафа.

Но, премиерот Мустафа не само  со демаркацијата, туку сега се наоѓа и пред друго важно прашање за кое опозицијата веќе најави дека нема да го гласа, а тоа е предлог буџетот за 2017 година. Бидејќи и пратениците од „Листа српска“ ја бојкотираат работата владеачкото мнозинство го нема потребниот број гласови за донесувањ ена буџетот за следната година.