ЕУ воведува ограничување за токсинот цереулид во храната за бебиња

Европската Унија се согласи да воведе трајна гранична вредност за токсинот цереулид (cereulide) во бебешките формули по скандалот со контаминирана храна за бебиња, пренесе ДПА.

Од декември 2025 година, во повеќе европски земји беше откриено адаптирано млеко во прав за бебиња произведено со контаминирано масло од арахидонска киселина увезено од Кина, што предизвика масовни повлекувања на производи од пазарот.

Цереулидот е токсин што го произведуваат бактерии и кој може да предизвика ненадејна мачнина, повраќање и болки во стомакот од 30 минути до шест часа по неговото консумирање.

Комисијата соопшти дека „неговото присуство во прехранбените производи е предизвикано од недостатоци во производствениот процес“.

Новата безбедносна граница ќе се применува на сувите и течните производи од почетните формули за доенчиња, производствените формули по период на доење и храната за посебни медицински намени за доенчиња.

МИА