ЕУ забележува слабости по укинувањето на визите за земји од Балканот и поранешниот СССР
Европската комисија денеска соопшти дека се уште не се исполнети сите обврски откако се укинати визите за државјаните на Македонија, Албанија, БиХ, Украина, Молдавија, Грузија, Црна Гора и Србија.
Во соопштението се наведува дека и понатаму е висока незаконската миграција на Украинци, Срби и Босанци. Комисијата изрази загриженост од неоправдани барања за заштита поднесени од Молдавци и Грузијци.
Регистрирано е намалување од 32 отсто на илегалните албански мигранти во ЕУ, но потребни се уште напори во тој правец.
Се додава дека сите осум земји ги исполнуваат одлуките за враќање на своите граѓани, кои незаконски престојуваат во ЕУ. Во сите овие држави е неопходно да се направат дополнителни напори во борба против организираниот криминал и корупцијата. ЕК препорачува итни мерки околу тие прашања во Молдавија и Украина.
Во соопштението се нагласува дека криминалци од наведените осум земји дејствуваат во ЕУ, при што илегално пренесуваат стоки и превезуваат луѓе, вршат кражби, перат пари, шверцуваат дрога и учествуваат во кибер криминал.
Ново на Сител
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024
-
Шарпланинецот Љубо од одгледувачницата на прилепското семејство Каравилоски стана светски шампион