ЕУ загрижена поради апсењето на курдските пратеници во Турција

Европската унија е длабоко загрижена поради апсењето на лидерите и пратениците на прокурдската Демократска партија на народите во Турција, поради што ја контактирала Анкара, изјави високата претставничка на ЕУ за надворешна политика и безбедност, Федерика Могерини.

Таа на Твитер напиша дека Унијата е во контакт со турските власти и е свикан состанок на амбасадорите на ЕУ во Анкара.

Засега ниту еден европски претставник не изнел детали за состанокот.

Истовремено, турскиот министер за правда Бекир Боздаг истакна дека апсењето на курдските пратеници е согласно законот.