ЕУРО 2016: Португалија ги „стивна“ Албанците

Фудбалерите на Португалија забележаа победа во Албанија со која направија голем чекор кон директен пласман на Европското првенство во Франција. Блиску до пласман на ЕП е и Германија која победи во Глазгов, а истото важи и за Полска, Северна Ирска и Романија.

 

Португалија славеше во Елбасан со 1:0 со голот кој го постигна Мигел Велосо во 92. минута. Португалците можеa и порано да го решат мечот, имаа статива во првото полувреме и чиста шанса на Елисеу во вториoт дел, но мечот можеше да има и поинаков тек, бидејќи Албанците во средишницата од второто полувреме ја погодија гредата.

 

Група И:

 

Ерменија-Данска 0:0

 

Албанија-Португалија 0:1

 

Табела: Португалија 15, Данска 12, Албанија 12, Ерменија 2, Србија 1

 

Шкотска и Германија одиграа брилијантно прво полувреме во Глазгов, во кое двете репрезентации постигнаа по два гола, а мечот го реши Гиндоган во 54. минута.

 

Полска немаше проблеми со аутсајдерот Гибралтар, славеше со 8:1, додека Република Ирска со голот на Волтерс ја победи Грузија.

 

Група Д:

 

Ирска-Грузија 1:0

 

Полска-Гибралтар 8:1

 

Шкотска-Германија 2:3

 

Табела: Германија 19, Полска 17, Ирска 15, Шкотска 11, Грузија 6, Гибралтар 0

 

Северна Ирска ја задржа првата позиција во Групата Ф иако одигра 1:1 со Унгарија. Гостите водеа во Белфаст од 74. минута со голот на Гузмич, а голем бод на Северна Ирска ѝ донесе Лафети со погодокот во 94. минута.

 

Романија и Грција одиграа без голови, додека Финска минимално славеше над Фарските острови.

 

Група Д:

 

Финска-Фарски острови 1:0

 

Северна Ирска-Унгарија 1:1

 

Романија-Грција 0:0

 

Табела: Северна Ирска 17, Романија 16, Унгарија 13, Финска 10, Фарски острови 6, Грција 3.