Еврокомесарот Хан на средба со Вучиќ и Брнабиќ
Српскиот претседател Александар Вучиќ денеска во Белград ќе има средба со европскиот комесар за преговори за проширување и соседска политика Јоханес Хан.
Според српски медиуми, ќе бидат потпишани два документа: Финансиски договор за секторско-буџетска поддршка за интегрирано управување со границата, односно Договор за донација меѓу ЕУ и Србија за помош во решвање на мигрантската криза. Тие документи ќе ги потпише министерката за европски интеграции Јадранка Јоксимовиќ и министерот за труд Зоран Шорчевиќ со директорот за Западен Балкан во Генералниот директорат за соседска политика и преговори за проширување, Геновева Руиз Калвера.
Хан денеска во Белград ќе има средба и со премиерката на Србија Ана Брнабиќ.
Хан доаѓа во Србија, еден ден откако во Стразбур беше претставена Стратегијата на ЕУ за Западен балкан, во која беа дадени насоки на Србија за тоа кога и под кои услови би можела да биде примена во Унијата. Во Стратегијата се наведува дека Србија може да стане членка на ЕУ во 2025 година, доколку ги исполни сите услови, вклучувајќи го и правно обврзувачкото нормализирање на односите со Косово.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден