Европратеници од Бугарија бараат Македонците од Албанија да бидат заштитени како Бугари
Со амандман на бугарските европратеници Андреј Ковачев (ГЕРБ/ЕПП) и Ангел Џамбаски (ВМРО-БНД), Европскиот парламент утре е можно да усвои параграф во Резолуцијата за Албанија, кој ќе биде директно на штета на Македонците од Голо Брдо, Гора и Мала Преспа, јавува дописникот на МИА од Брисел.
Имено, како 24-ти амандман, на утрешната пленарна седница на Европарламентот во Стразбур, 751 европратеник ќе ја потврдат Резолуцијата за Албанија, каде Ковачев и Џамбаски во последен момент сакаат да протуркаат опасна теза дека македонското малцинство во трите посочени места е всушност бугарско.
- ЕП забележува дека се потребни дополнителни напори за заштита на правата на сите малцинства во Албанија, преку целосна имплементација на релевантното законодавство и препорачува заштита на правата на лицата со бугарската народност во Преспа, Голо Брдо и Гора да биде овозможена со закон и обезбедена во пракса, се наведува во амандманот на бугарските европратеници на албанската Резолуција.
Претходно, Ковачев во ЕП изјавуваше дека „во Албанија живеат 100 илјади Бугари, кои ги немаат сите права на едно признаено малцинство“. Албанската држава во Голо Брдо, Гора и Мала Преспа препознава единствено Македонци.
Популарно од Македонија
Ново на Сител
-
Во петок дожд и снег на планините, за викендот стабилно и студено време
-
На посиромашните земји им требаат трилион долари годишно до 2030 година поради климатските промени
-
Пронајден кокаин, марихуана и две дигитални ваги кај 26 годишна девојка во Аеродром
-
Отишле на лов па го застрелал од пушка за која немал дозвола, уапсен 54 годишник во Штип
-
Андоновски: Корупцијата не смее да ја загрози дигиталната безбедност
-
По четири дена изгаснат е пожарот на планината Беласица
-
Раде Штекли повреден по експлозијата на бомба во Керамидница
-
Фрлена бомба во двор во Керамидница, едно лице повредено
