Ф-1: Мекларен објави футуристички болид!!!

Екипата на Мекларен го објави својот концепт за болид на иднината во Формула 1. Од британскиот тим веруваат дека овој концепт може да гововеде овој спорт во нова ера.

 

Тимот, болидот за иднината, го нарече McLaren MP4-X, по урнекот на сите вистински модели во Формула 1, кои настанале од осумдесетите години на минатиот век.

 

Моделот е креиран без дизајнерски ограничувања, а забележлив е спојлерот кој се наоѓа под болидот кои помага околу аеродинамиката, како и подвижните крила кои се отвораат во свиоците, а се затвораат на правците.

 

Замислата е овој болид да има хибриден мотор и уште неколку иновации, од кои најзначаен би бил системот кој би го следел трошењето на пневматиците.

 

„Сакавме малку да погледнеме во иднината и да ја замислиме уметноста на можното. Направивме кобинација од главните состојки на Формула 1 (брзина, возбуда, перформанси), но и се она што овој спорт го бара (затворен кокпит, кој ја зголемува безбедноста на возачите и хибридни мотори)“, рекол Џон Алерт, бренд директорот на технолошката група на Мекларен.