Ф-1: Валтери Ботас победник во Абу Даби

Последната трка од шампионатот во Ф-1 во Абу Даби мина во доминација на Мерцедес кој ги освои првите две места. Валтери Ботас победи пред новиот светски првак Хамилтон додека третото место му припадна на Себастијан Фетел.

Инаку оваа трка беше и последната во кариерата на Фелипе маса. Бразилецот се прости со возењето во Формула 1. Во „најбрзиот циклус на светот" беше цели 16 сезони.

На крајот, во поредокот за светскиот трон, Хамилтон собра 363 бода, додека пак Себастијан Фетел заостана на 317.
Трет во генералниот пласман е токму Ботас со 305 бода, додека четврти е Кими Раиконен со 205, со кои го симна од тоа место Рикијардо кој има пет помалку.
Наредниот шампионат во Формула 1 ќе стартува на 25.март 2018 година, со трката за Големата награда на Австралија во Мелбурн.