ФФРМ: Минималната заштитна цена на пченицата да биде 12 денари
Минималната заштитна цена на пченицата да биде 12 денари за килограм, интервентниот откуп да почнува од први јули кога е во тек жетвата и кога стартува откупот, а договорите со откупувачите и преработувачите да се склучуваат пред жетвата и да се почитуваат, бара Федерацијата на фармери (ФФРМ).
ФФРМ бара и почести контроли на Пазарниот инспекторат при откупот и исплатата, а субвенциите за тековната година производителите да ги добиваат пред есенската сеидба за навреме да се извршат земјоделските активности неопходни за квалитетно производство.
- Барањата се насочени кон заштита на земјоделците кои произведуваат пченица на мали површини, а се во голем број. Доколку итервентниот откуп биде со избор на комисија за донесување решенија за откупувачи, ќе се овозможи транспарентност на откупот и ќе се намали политичкото влијание, соопшти денеска ФФРМ.
Федерацијата е на став и дека треба да се измени член 43 од Законот за земјоделство и рурален развој со што ќе се овозможи, како што објаснува, решението за избор на понудувачи за откуп на пченица да го донесува комисија во која ќе има претставници од земјоделските здруженија.
Според ФФРМ, производството на пченица годинава, посебно во Пелагонија, е намалено 60 отсто поради сушата, а родот е и со мал раст.
- Цената во последниот период се намалува, додека трошоците за производство се зголемени за 50 отсто. Лани се откупуваше и за осум денари. Производството, пак, поради климатските промени е намалено и во регионот, информира Федерацијата.
ФФРМ ги дефинира барањата вчера и ги достави до Министерството за земјоделство, шумарство и водостопанство и до стопанските комори каде членуваат откупувачи и млинари.
Пченицата согласно последниот извештај на Државниот завод за статистика, е засеана на 80.924 хектари или на 34 отсто од вкупната земјоделска површина. Притоа, 64.706 хектари се во индивидуалниот сектор, 16.218 кај деловните субјекти и 104.853 кај малите земјоделски стопанства.
Ново на Сител
-
Истражување: Една од три жени немаат пристап до менструални производи поради високата цена
-
Гаши: Ќе се погрижам да го подигнам нивото на Собранието, да биде во служба на сите граѓани
-
Џафери ќе ја извршува функцијата технички премиер до изборот на новата влада
-
Скопјанец го нападнал градоначалникот на општина Шуто Оризари, полицијата извршила службен разговор со него
-
Сиљановска Давкова: Ќе го почитувам Преспанскиот договор, но го задржувам правото на слобода на изразување
-
Кацарска ќе даде осврт за претседателскиот мандат во Уставен, до крајот на месецов ќе се знае нејзиниот наследник
-
Африм Гаши избран за претседател на Собранието
-
Терзиќ: Во еден натпревар можеме да го победиме Реал