Филхармонијата ќе ги затвори 40. Денови на македонска музика
Четириесеттите Денови на македонска музика ќе завршат вечер со симфониски концерт на Македонската филхармонија. Солист ќе биде виолончелистот Гал Фаганел (Словенија/САД), а концертот ќе го води британскиот диригент Крис Расман.
Ќе бидат изведени дела од неколку генерации македонски музички творци: Концертантна музика за виолончело и гудачи од Тома Прошев, третиот став од Симфонијата бр. 4 на Кирил Македонски, третиот став од Симфонијата бр. 7 „Пролет“ од циклусот „Четири годишни времиња“ на Ристо Аврамовски. Премиерно во Македонија ќе прозвучи и симфониското дело „Небесен попречувач“ на младиот автор Мајкл Бакрнчев.
Јубилејните Денови на македонска музика, кои ги организира Сојузот на композиторите на Македонија (СОКОМ), годинава на програмата имаа единаесет концертни термини, како и работилници, презентации и предавања. Манифестацијата почна на 27 март со концертот на инструментална музика „Апокалиптикум“ на Драган Даутовски.
Ново на Сител
-
Меџити ја презеде функцијата министер за животна средина и просторно планирање
-
Во пожарот во фабриката за литиумски батерии во Јужна Кореја животот го загубија 22 лица
-
Нова промена на цените на горивата од полноќ
-
Таравари денеска ќе потпише решенија за разрешување на економски директори во Клиничкиот центар
-
Зоран Љутков ја презеде функцијата министер за култура, најавува макотрпна работа и инвестиции
-
Претседателот на Уставниот суд во МВР пријави закани по животот и безбедноста врз уставни судии
-
Од 1 јули Грција воведува 6-дневна работна недела!
-
Јаневска ја презеде функцијата министер за образование и наука, најавува промени креирани врз база на темелна анализа