Филипче: Брзо закрепнување на оздравените, се надевам на позитивни вести сè почесто
Министерот за здравство Венко Филипче со порака на Фејсбук им посака брзо закрепнување на сите пациенти и истакна дека очекува се почесто да слушаме позитивни вести, откако вечерва беше објавено дека од коронавирусот се оздравени двајца пациенти од Штип.
-Уште две лица кои боледуваа од КОВИД-19 се денеска оздравени. Двајцата пациенти од Штип ја поминаа болеста со лесна слика и во домашно лекување под постојан надзор од лекарски тим. Им посакувам брзо закрепнување на сите пациенти и се надевам дека сè почесто ќе слушаме позитивни вести, напиша Филипче на неговиот фејсбук-профил.
Министерството за здравство претходно, пренесувајќи информации од Институтот за јавно здравје, соопшти дека денеска попладне се регистрирани уште две лица од Штип оздравени од КОВИД-19 и дека согласно протоколот им биле направени два контролни теста кои покажале негативен резулат на коронавирусот.
Во болницата во Штип од вирусот сега се лекуваат четири пациенти, а оваа болница следи уште 14 пациенти со лесна форма на болеста кои се на домашно лекување.
Ново на Сител
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана
-
Денеска средба Ердоган – Мицотакис во Анкара
-
Променливо облачно и сончево, попладне услови за дожд и грмежи
-
Состојба на патишта