Филипче: Добар гест и добар систем во Србија, не треба да се дозволи да помине рокот на вакцините и да се уништат

Во вечерашното гостување во Дневникот на Сител, министерот за здравство Венко Филипче изјави дека е пријателски гестот на соседна Србија што ги отвори своите врати за вакцинација на граѓани од соседните земји.

-Ова е уште еден пријателски гест, не само кон нашата туку кон сите соседни земји. Заминале граѓани од нашата земја, од Црна Гора, од Босна и тоа е за поздравување. Србија ни донираше една голема количина на вакцини со кои ние ги вакциниравме сите здравствени работници кои работат со Ковид пациенти. И ова е многу добар гест и еден многу добар систем, во моментов кога е борба за секоја една вакцина, треба секоја вакцина да се искористи максимално и да не се дозволи да помине рокот или да се уништи, рече Филипче.