Фон дер Лајен: ЕУ добива две милијарди вакцини
Европската унија ќе добие околу две милијарди дози вакцини против коронавирусот, соопшти денеска претседателката на Европската комисија Урсула фон дер Лајен.
За време на видеоконференцијата со австрискиот канцелар Себастијан Курц, таа рече дека тоа значи оти со таа количина ќе можат да се вакцинираат 700 милиони луѓе и додаде дека тоа подразбира и граѓани од Западен Балкан и Африка.
Австрија, додаде таа, ќе добие два проценти од вкупниот број вакцини нарачани од ЕУ.
– Тоа е повеќе од она што на Австрија најверојатно ќе и треба, рече Фон дер Лајен.
Курц и се заблагодари на Фон дер Лајен за нејзината посветеност во кризата со коронавирусот.
– Зачудувачки е колку брзо и добро се одвива овој процес. Вакцината ќе ја промени ситуацијата, нагласи тој.
Фон дер Лајен рече дека првите вакцинации најверојатно ќе можат да почнат во декември.
Курц изрази надеж дека првата група граѓани во Австрија ќе ја примат вакцината во јануари, потсетувајќи дека тоа ќе биде медицински персонал, негуватели и стари лица, како и ризични групи.
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија