Генчовска: Се подготвуваме за официјална посета на експерти од македонското Министерство за надворешни работи

 Не, не преговараме, се подготвуваме за официјална посета на експертските тимови на Министерството за надворешни работи на Бугарија и МНР на Република Северна Македонија, изјави министерката за надворешни работи на Бугарија Теодора Генчовска на брифинг со министерот за надворешни работи на Азербејџан кој е во Софија.

Како што јави дописникот на МИА од Софија, Генчовска рече и дека нема никакви конкретни резултати. Последните разговори со експертскиот тим на Република Северна Македонија се одржаа на 11 февруари и, за жал, не е постигнат заемно корисен напредок за двете земји, рече таа.