Герасимовски: Двојно повеќе лица ќе добијат нега во домот и ќе ги посетува матичен лекар
Четири нови пензионерски домови најави Горан Герасимовски, кандидатот за градоначалник од општина Центар од СДСМ и Коалицијата. Се проширува и услугата Центар се грижи за возрасните кои ги опфаќа лицата над 60 години и се зголемува помошта за лицата со најниски пензии.
„Возрасните лица во општина Центар се високо поставени на листата на приоритети затоа што негата и грижата за возрасните е наша должност која треба да ја возвратиме кон оние кои цел живот се грижеле за нас. Затоа во општина Центар ќе отвориме четири нови пензионерски клубови во Капиштец, кај Универзална сала, во Крњево и Кале. Така пензионерите во нашата општина ќе добијат и повеќе активности за социјализација и дружење и преку различните активности ќе го збогатуваат своето секојдневие. Натпреварите кои се одржуваат на ниво на град Скопје во шах, пикадо, табла ќе ги развиеме и истите ќе ги поддржиме со награди“, изјави Герасимовски.
Двојно се зголемува и негата за стари лица во домашни услови преку проектот Центар се грижи за возрасните. Па така покрај бесплатната нега од сертифициран негувател, медицинска сестра, физиотерапевт и социјален работник пензионерите кои ја користат услугата ќе ги посетува и матичен лекар еднаш во месецот.
Притоа Герасимовски најави и зголемување на часовите за користење на негата во текот на неделата и вклучување на административна помош.
„Вклучуваме административна помош за лицата кои не се во можност да ги извршат банкарските услуги и на располагање ставаме и мобилни административни тимови од општината кои по барање или телефонски повик ќе ги посетуваат домовите на возрасните со цел да им помогнат околу документацијата за извршување на општинските услуги“ изјави Герасимовски.
Тој најави и зголемување на бројот на социјални пакети за пензионерите со што во иднина секој месец општината ќе доделува околу 200 пензионерски пакети за 200 пензионери со најниски примања во соработка со Здружението на пензионери на општина Центар.
„Нашата цел е највозразните членови во општината безгрижно да уживаат во својата старост“, изјави Герасимовски.
Ново на Сител
-
Лавров: Блискиот исток е на работ на голема регионална војна
-
Кина продолжува да ги намалува ограничувањата за странски инвестиции
-
Фон дер Лајен: Трансформациите треба да бидат фер и да обезбедат просперитет за сите во Европа
-
ДЗС располага само со еден функционален „Ер трактор“, но моментално нема потреба од дополнителни летала
-
Лишени од слобода деветмина дрвокрадци, поднесена кривична пријава
-
Се шетал со полн пиштол и уште 61 куршуми - Уапсен 19 годишник
-
СВР Скопје со засилени мерки за безбеден град Скопје
-
ВМРО-ДПМНЕ: Антикорупциска и ЈО да испитаат зошто Филипче како министер криел имот што го поседува