Ѓорческа го има 222 место на ВТА

Македонската тенисерка Лина Ѓорческа оваа недела се наоѓа на 222.то место на ВТА листата и од таа позиција ќе го има настапот во квалификациите на УС Опен (Грен слем турнир). Таа има пад за три места со вкупно 243 поени, но тоа е пред се бидејќи немаше настапи во последните денови бидејќи се подготвуваше за настапот во квалификациите на УС Опен (се игра на тврда подлога). 

Ѓорческа вечерва по македонско време би требало да ја добие и првата ривалка, а мечевите во Њујорк треба да почнат од утре (23.август).

Во конкуренција на двојки Ѓорческа се наоѓа на 182 место и има снапредок за три позиции.

Втората македонска тенисерка која има ВТА Магдалена Стоилковска се наоѓа на 1.245 место во поединечна конкуренција и 1.044 место во двојки.