Голем интерес на земјоделците од велешкиот регион за закуп на државно земјоделско земјиште
На јавниот оглас на Министерството за земјоделство, шумарство и водостoпанство, што заврши на 11 јануари, во Подрачната единица во Велес, се пријавиле 37 заинтересирани земјоделци од поширокиот велешки регион, а во кој се вклучени и земјоделците од општините Градско и Чашка.
Раководителот на ПЕ на МЗШВ во Велес Зоран Наковски, за МИА информираше дека на повикот имало повеќе заинтересираност од претходниот повик, кога се пријавиле 22 земјоделци.
-На претходниот јавен оглас, што беше за закуп на земјоделско земјиште исто така до три хектари, државата нудеше парцели на државно земјоделско земјиште според свој избор. Разликата е што со овој јавен повик земјоделците можеа да бараат по свој избор државни парцели што тие сакаат да ги обработуваат за определен временски период, појасни Наковски.
Имено, Комисија формирана од Владата во наредните денови ќе ги разгледа понудите и ќе донесе одлука за избор на најповолен понудувач, а по донесување на одлуката, министерот ќе склучи договор со сите избрани понудувачи.
Ново на Сител
-
Кршел по дома и фрлал предмети кон полицајци, приведен жител на Драчево
-
Ќерка го истепала својот татко
-
Пожар во стан во Аеродром, едно лице повредено
-
Жената лидер – жената бизнисмен | Ирена Јакимова | Личен развој | Sitel Podcast 064
-
Во Словенија деактивирана бомба од 104 килограми од Втората светска војна
-
По сообраќајката нормализиран сообраќајот на патниот правец Кичево - Гостивар
-
Суспензии и парични казни за Работнички и МЗТ Скопје Аеродром
-
Застапувал странки иако адвокатската функција му била во мирување, кривична за охриѓанец