Голманот на Партизани го елиминира Ференцварош

Фудбалерите на Партизани го приредија најголемото изненадување во второто ковалификациско коло во Лигата на шампионите. Партизани во два натпревари го елиминира унгарски Ференцварош.

 

Албанскиот вицепрвак, кој во ЛШ влезе откако шампионот Скендербег доби едногодишна суспензија од УЕФА, по изведувањето на пенали мина во третото коло.

 

Првиот меч во Албанија и реваншот во Унгарија заврши со идентични 1-1, а пенал серијата на стадионот во Будимпешта ја обележа голманот на Партизани, Албан Хоџа.

 

Голманот на албанскиот вицепрвак го изведе првиот пенал за својот тим, успеа со „Паненка“ да го совлада унгарскиот колега, а потоа одбрани три од четирите пенали на Унгарците.

 

Партизани во третото квалификациско коло во Лигата на шампионите ќе игра против Салцбург.