Град Скопје: Неразбирлива е потребата од пласирање на сензационалистичката лага за наводна загаденост на Скопје
Откако на социјалните медиуми протече информација дека аерозагадувањето во Скопје е на високо ниво и градот е меѓу најзагадените во светот, од Град Скопје денеска преку соопштение ја демантираа наводната загаденост на воздухот.
Од Град Скопје велат дека се работи за пласирање на дезинформација, затоа што светскиот мониторинг сервис „WAQI“, кој во реално време ги покажува податоците за нивото на загаденост во поголемите градови во светот, јасно покажува дека Скопје не е помеѓу најзагадените градови.
-Неразбирлива е за нас потребата од пласирање на сензационалистичката лага за наводна загаденост на градот Скопје, особено поради фактот што светскиот мониторинг сервис „WAQI“ кој во реално време ги покажува податоците за нивото на загаденост во сите поголеми градови во светот, јасно покажува дека Скопје не е ниту најзагаден град во Македонија, а не пак во светот, велат од Град Скопје.
Како најзагадени градови во Македонија во последните 48 часа, од Град Скопје велат се Кочани, Струмица, Гевгелија, Кавадарци и Тетово.
-Апелираме до медиуимите, да не потпаѓаат на лажните вести и нечесните политички агенди на ВМРО-ДПМНЕ, туку барем по три пати да ја проверуваат точноста на информациите кои доаѓаат од оваа партиска кујна. Градот Скопје во последните две години засади 1.400.000 садници, додели субвенции за набавка на инвертер клими за граѓаните на градот Скопје, изгради три нови мега-паркови во Ѓорче Петров, Аеродром и Чаир, а два се во реализација во Сарај и Карпош, исчистивме 250 диви депонии кои за жал токму градоначалниците на ВМРО-ДПМНЕ повторно ги формираат со истурање на нивниот смет и градежен шут што веќе се утврдени и доставени налози за глоба, стои во соопштението.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова