Град Скопје: Зимските служби на терен

 Екипи од зимската служба на Град Скопје се на терен и активно работат со цел булеварите и улиците под надлежност на градот да бидат чисти и проодни и да нема застој во сообраќајот поради снегот.

Град Скопје соопшти дека досега се исчистени булеварите „Словенија“, „Никола Карев“, „Босна и Херцеговина“, улиците „Радишанска“, „Павел Шатев“, улиците низ општина Шуто Оризари и низ населба Драчево, патот кон Детската клиника во Козле, патот од Горно Нерези кон Клиничкиот центар „Мајка Тереза“, мостовите „Маџари“ и „Бардовци“, клучката кај хотел „Континентал“, последна автобуска станица на бр. 24 во Сопиште и населбата  Даме Груев кон Новоселски Пат.

– Во надлежност на Град Скопје се булеварите и поголемите градски улици, додека другите улици се во надлежност на општините кои се задолжени за нивно чистење и одржување, наведува Град Скопје.