Графит „ИД доаѓа“ осамна на православна црква во Приштина

На ѕидот на православната црква „Свети Никола“ во Приштина осамна графит „Исламската држава доаѓа“, јави Танјуг.

Парохискиот свештеник во црквата Дарко Маринковиќ изјави дека за инцидентот веднаш била информирана косовската полиција. 

- Најлошо од се е што е испишан повик кон терористичка организација против која во овој моемент се бори речиси половина свет, изјави Маринковиќ за телевизијата РТК2.

Графитот се појави во време кога косовските Срби ја одбележуваат 12-годишнината од нивниот погром од Косово, за време на кој беше запалена и приштинската црква „Свети Никола“.