Грција им должи над 130 милиони евра на приватните клиники

Сојузот на приватни клиники во Грција (СЕК) го предупреди грчкото Министерство за здравство за „големи доцнења“ во исплатата на старите долгови од Фондот за здравство, кои датираат од 2007 до 2011 година.

Според Сојузот, националната организација за здравствени услуги и нејзините претходници должат над 130 милиони евра.

Како што јави дописникот на МИА од Атина, приватните здравствени установи нагласуваат дека не се „добротворни организации“ и тврдат дека одложувањата го загрозуваат банкарскиот систем, како резултат на лошите пласмани, како и 55.000 работни места во секторот за приватна здравствена заштита.