Грубишиќ: Одигравме неверојатна одбрана

Најзаслужна за победата од 27:21 на Букурешт над Вардар беше секако голманката на романскиот тим Јелена Грубишиќ, која имаше дури 19 одбрани (10 до 20.минута).

По дуелот таа изјави:

- Бевме целосно опуштени и без притисок. Победата ја заслуживме со неверојатната игра во одбрана. Сите што беа на теренот одиграа најдобро.

За финалето со Ѓер, Грубишиќ истакна:

- Тие финалето ќе го играат речиси на домашен терен тука во Будимпешта. Но, ако ја повториме играта од денеска нема од што да се плашиме.

Финалето Ѓер - Букурешт се игра утре со почеток во 17:45 часот во Ласло Пап Арена.