Груевски: Честитки за фудбалерите, стрелците, селекторот и неговиот стручен тим

- Честитки за победата на македонските фудбалери против Германија на гостински терен. Импонира победа во гости против повеќекратен светски и европски првак во фудбал, кој во светски рамки е познат по крајно посветена и квалитетна игра до последната секунда од секој натпревар. Но повеќе од резултатот импресионира подобрата игра во тој дуел на македонските репрезентативци. Таа игра е гаранција дека ќе има и многу други успеси на овој тим. Честитки за фудбалерите, стрелците, селекторот и неговата стратегија и целиот стручниот тим. Честитки и за сите кои учествувале во изградбата на овие фудбалери од нивните најрани клубови и тренери па натаму и сите од фудбалската академија имајќи во обзир дека костурот на тимот се дел од првата генерација на фудбалската академија. Сите тие имаат причина да бидат горди со овие успеси. Но и сите граѓани на Македонија и дијаспората.

Ова е честитката од поранешниот премиер Никола Груевски до македонските фудбалери кои ја совладаа Германија на гостински терен.