Груевски: Продолжуваме со развој на туризмот, финансиска помош за изградба на селски домаќинства, велнес и спа центри

-Ќе ги продолжиме субвенциите за привлекување на странски туристи и ќе ги зголемиме за нови 6 милиони евра, како финансиска поддршка за дополнителен број на авионски дестинации по ниски цени на билети. Очекуваме дополнителен раст на бројот на туристи. Со цел да ја распространиме можноста за занимавање со туризам за прв пат предвидуваме финансиска поддршка при градење или адаптација на селски домаќинства на семејни фарми во рурални средини кои ќе се користат за туристички цели. Финансиската поддршка е во износ од 60 проценти од докажаните трошоци и ќе биде наменета за набавка на опрема и инвентар, како и за уредување на просторот во селски домаќинства, истакна Груевски.

Тој додаде дека во наредните четири годишен период ќе се залагаат за стимулирање на инвестиции во модерни туристички велнес, спа и здравствени центри преку промоција на можностите за инвестирање пред домашните и странски компании. Особено, додава Груевски, ќе се презентираат поволностите кои се нудат за изградба на објекти во рамки на слободната зона.