Гугинов прв во Европскиот кајак куп 2025

Со последниот Европски куп кој денес официјално заврши во Велика Британија во градот Хланголен Велс на реката Ривер Ди, заврши и една од најуспешните сезони за македонскиот кајак спуст на диви води во спринт.

Во генерален пласман на Европскиот куп 2025, Благој Гугинов македонскиот репрезентативец и член на Арка-Борец, со рекордни 469 поени е нов Европски шампион во јуниорска конкуренција. 

Александар Златаров е во Топ 3 во Европа, и сезоната  ја заврши 3. место во генералниот пласман во категоријата К1 Men Senior, освојувајќи вкупно 405 поени, додека Љубомир Спасиќ е на 4. место во Европа со вкупно 366 поени во генералниот пласман за истата категорија.

Македонските репрезентативци денес не настапија на натпреварите од последниот куп во Велика Британија.

-Благој Гугинов е апсолутниот победник на Европскиот Куп 2025 во K1 Men Junior, освојувајќи неверојатни 469 поени и доминантно прво место во Европа. Тој е македонска гордост кој стана Европски шамион во јуниорска конкуренција, изјави искусниот Љубомир Спасиќ.

Гугинов имаше извонредни настапи низ целата сезона: Фулда – 95 поени, Велес – 95 поени, Аугсбург – 100 поени, Чешка – 88 поени, Дикирх – 91 поен.

МИА