Гвардиола не размислува за тројна шампионска титула

Тренерот на Манчестер сити, Хосеп Гвардиола, по победата над Питерборо (2:0) во 1/8-финалето на ФА-купот изјави дека е фокусиран само на следниот натпревар.

– Изгледите за освојување на Премиер лигата, Лигата на шампионите и ФА-купот? Не, нема да размислувам за тоа. Манчестер Јунајтед е следниот натпревар, изјави Гвардиола, за „Би-би-си“.

На табелата во Премиер лигата по 27 кола Манчестер сити е лидер со 66 бода, втор е Ливерпул со заостанување од шест бода.