Хамилтон: Далеку сум до рекордот на Шумахер

Британецот Луис Хамилтон е спред многумина единствениот возач во Ф-1 кој може да достигне дел големите рекорди на легендарниот Михаел Шумахер.

32-годишниот Британец има три трофеи зад себе, и е прв фаворит да додаде четврти трофеј оваа година по клучната победа во Сингапур по која е на 28 поени пред Себастијан Фетел во Ферари. Британецот има договор со Мерцедес со 2018 година, но повеќе пати изјавуваше дека има уште пет-шест години во спортот.

„Искрено, одам чекор по чекор. Доволно е тешко да се освои една светска титула, а уште потешко ќе биде да се дојде до четвртиот трофеј. Кој знае дали ќе можам да стигнам до Михаел? Седум титули, искрено лично немам желба да го бркам тоа“, вели Хамилтон.