Хан: На сите им е јасно дека Турција се оддалечува од ЕУ

Турција под лидерство на претседателот Реџеп Тајип Ердоган му го заврте грбот на процесот за членство во ЕУ, барем засега, изјави еврокомесарот за проширување на Унијата, Јоханес Хан.

- На сите им е јасно дека Турција моментно се оодалечува од европските перспективи, истакна Хан.

Тој додаде дека фокусот во односите меѓу Брисел и Анкара треба да биде нешто друго, додавајќи дека мора да се разгледа што може да се направи во иднина и дали постои можност за обновување на било каква соработка.

Ердоган минатата недела изјави дека Турција нема веќно да чека пред вратите на ЕУ и сама може да се откаже од членството во Унијата, најавувајќи и референдум за тоа прашање.