Харден го продолжи договорот со „ракетите“

Екипата на Хјустон го реши најважниот проблем пред стартот на сезоната во НБА лигата откако најдобриот кошаркар  Џејмс Харден го продолжи договорот  на уште четири години. „Брадата“ според новиот договор останува во Хјустон до 2023 година и во следните шест години ќе заработи 228 милиони долари, пренесе ЕСПН.

Доколку оваа информација е точна и договорот биде официјализиран, Харден ќе биде сопственик на најскапото продолжување на соработката во историјата на НБА лигата.

Ѕвездата на Хјустон има одлична сезона зад себе. Тој на 81 натпревар имаше просек од 29.1 поен, 11.2 асистенции и 8.1 скок.