„Харви“ однесе најмалку 60 животи

Ураганот „Харви“ однесе најмалку 60 животи, соопштија властите во Хјустон, Тексас.

На 25 август невремето ја погоди јужната американска држава Тексас, при што поројните дождови предизвикаа големи поплави во траење од неколку дена.

Некои луѓе се удавиле во стихијата, а некои починале подоцна од последиците на ураганот. Така на пример некои возрасни лица починале заради прекин во електричната мрежа бидејќи им се исклучиле апаратите што ги одржувале во живот. 

Откорнати дрвја пак однеле животи во две куќи и еден автомобил.