Хорор: Патник во воз избоден со нож
Едно лице, патник во воз во Лондон, е тешко повредено од убоди со нож во телото, од напаѓач кој низ возот „прогонувал муслимани за да ги убива“.
Инцидентот се случи во возот, додека се приближувал кон станицата во населбата Форест Хил, во југоисточниот дел на британскиот главен град, предизвикувајќи паника и вознемиреност кај другите патници и меѓу лугето на железничката станица.
Била повикана полицијата, која го запрела возот и го блокирала целиот простор околу станицата и пристапните патишта кон неа, по што е уапсено едно лице.
Неговиот идентитет не се открива, освен дека станува збор за маж на 38-годишна возраст. Тој е обвинет за нанесување тешка телесна повреда.
Полицијата соопшти дека инцидентот не го третира како терористички напад, туку како кривично дело врз верска и расна омраза.
Сведоци изјавиле за лондонските медиуми дека напаѓачот заканувајќи се со ножот, трчал низ вагоните, врескајќи дека бара муслимани, за да ги убива.
Во еден вагон наишол на жена облечена во хиџаб, но неа не ја нападнал, тврдејќи дека бара мажи-муслимани за да им се одмаздува.
Патниците во возот и луѓето на станицата изјавиле дека тој и на перонот ги прогонувал сите на кои ќе наишол. извикувајќи дека сите муслимани „треба да се убиваат“ како и дека „треба да се вратат во Сирија“.
Полицијата не го открива идентитетот на повредениот патник, За него се вели дека е маж на 40 годишна возраст и дека неговите повреди се тешки, но дека тој не е во животна опасност.
Ново на Сител
-
Српски медиуми: Додека во Србија со месеци се чека, во Македонија веднаш се реагира и се апси
-
Погребот на загинатите во трагедијата во Кочани ќе биде во четврток
-
Мирен собир во Прилеп „Бараме одговори и одговорност“
-
Во близина на дискотеката во Кочани имало склад за нафта наменет за друг објект
-
Шлепер се преврте кај Блаце, повредени нема, а сообраќајот е нормализиран
-
Тошковски разреши седум началници во Штип и Кочани
-
Кавадарци оддава почит на загинатите во дискотеката во Кочани
-
МВР: Зголемениот број полициски службеници во Кочани е поради извршување службени активности и обезбедување документација од општината