Хорор во Франција: Средношколец вооружен со пушка, пиштол и гранати решеташе деца низ училиште

Најмалку две лица се полесно ранети денеска при престрелка во средно училиште во градот Грас во јужна Франција, соопштија локалните власти, нагласувајќи дека не станува збор за терориситчки напад, туку „за инцидент поврзан со двјаца ученици“.

Според полицијата, вооружено лице влегло во училиштето „Токвил“ и почнало да пука, ранувајќи при тоа две лица.

Полицијата информира дека по инциднетот упасила едно лице, а по уште едно се уште трага.   

Како што јави дописникот на МИА од Париз, веднаш по инцидентот, специјални полициски сили пристигнаа во училиштето, а Владата преку својата апликација за мобилни телефон испрати предупредување за „напад“.

Полицијата побара од жителите на Грас, кој се наоѓа на околу 40 километри од Ница, да останат во своите домови и да не излегуваат на улица.

Според неофицијални информации, меѓу ранети лица е и директорот на гимназијата „Токвил“.