Хуманитарен базар за поддршка на СОС Детско село

Предновогодишен хуманитарен базар на рачно изработени рециклирани предмети на кој ќе се собираат средства за СОС Детското село Македонија, ќе се одржи денеска во Веро Центарот во Скопје.

Предметите ги изработија деца од градинките низ Македонија во изминатите три месеци.

На базарот, организиран во рамки на Проектот „Собираме и ре-креираме со Бимилк“, треба да присуствуваат и министерката за труд и социјална политика Мила Царовска и националниот директор на СОС Детско село Македонија, Јулијана Накова-Гапо.

Во рамки на проектот „Собираме и ре-креираме со Бимилк“ организирани беа едукативни работилници наменети за деца од четири до пет години, а во нив беа вклучени близу 2.000 деца од повеќе од 60 градинки ширум државата кои изработуваа предмети од празни амбалажи со цел уште од најрана возраст да ја научат важноста за рециклирање и зачувување на животната средина.

Проектот има цел и да ја поттикне и хуманоста кај децата бидејќи на крајот предметите ќе бидат изложени на овој хуманитарен базар, а собраните средства ќе бидат донирани за СОС Детското село Македонија.