Ибра е најблизу до враќање во Милано
Златан Ибрахимовиќ наскоро може повторно да го носи дресот на Милан. Ова стана јасно по изјавата на комесарот на МЛС, Дон Гарбер. Според него, „росонерите“ се италијанскиот клуб, кој ќе се засили со 38-годишниот напаѓач од зима.
Договорот на Ибрахимовиќ со Л.А. Галакси истекува во декември, а Швеѓанецот веќе јасно стави до знаење дека сака повторно да игра во Италија, каде ги бранеше боите на Јувентус, Интер и Милан. Ветеранот е заинтересиран и за Болоња, а од „Ренато Дал Ара“ дури ги потврдија шпекулациите за разговори со Златан.
– Ибрахимовиќ е интересен човек и на, и надвор од теренот. На нашата лига и требаа играчи како него и Дејвид Бекам пред извесно време. Златан е смешен, ми се допаѓа како тој зборува за мене во трето лице. Иако има 38 години, тој е класа и знам дека има понуда од Милан – еден од најголемите клубови во светот, рече Гарбер.
Понудата на Болоња е за годишна плата од 8 милиони евра, но Ибра веројатно ќе го избере предизвикот да му помогне на Милан да се врати на своите славни денови.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден