Ибра за 15 милиони во Јунајтед

Манчестер Јунајтед му понудил 15 милиони евра за едногодишен договор на Златан Ибрахимовиќ, тврди француското радио РМЦ. Шведскиот репрезентативец од 1.јули ќе биде слободен играч, тој најави дека нема да остане во ПСЖ, а се шпекулира дека има финасиски богати понуди од Кина и од САД (ЛА Галакси).

 

Изминатите неколку месеци еден од најдобрите напаѓачи на денешницата, Златан Ибрахимовиќ, се поврзува со трансфер во Манчестер Јунајтед, каде го очекуваат и доаѓањето на Жозе Мурињо, но прашање е дали напаѓачот и тренерот ќе пристигнат на „Олд Трафорд“ откако стана јасно дека Јунајтед нема да игра во Лигата на шампионите.

 

Ибрахимовиќ во текот на својата кариера играч за Малме, Ајакс, Јувентус, Интер, Барселона и Милан, а за четири сезони во ПСЖ постигнал 154 голови на 179 одиграни натпревари.