ИДФ го уби лидерот на Хамас во Либан

Лидерот на Хамас во Либан е убиен во израелски напад, објави палестинската милитантна група. Фатех Шериф Абу ел-Амин е убиен заедно со некои од членовите на неговото семејство во нападот во јужен Либан, се вели во соопштението.

Хамас речиси една година води војна против Израел во Газа. Слично на либанската милитантна група Хезболах, таа е поддржана од Иран.

Изјавата на Хамас утрово дојде откако друга палестинска милитантна група, Народниот фронт за ослободување на Палестина (ПФЛП), соопшти дека тројца нејзини водачи биле убиени во напад во центарот на Бејрут.

И тој напад му се припишува на Израел, но израелската војска се уште не го потврдила.