Интерес за нови трактори преку ИПАРД во Неготино и Демир Капија

Дваесет и четити лица од Неготино и Демир Капија аплицираа за финансиска поддршка преку ИПАРД програмата, информираше денеска Ѓорѓи Ајтов, раководител на Работната единица при Агенцијата за поттикнување на развојот во земјоделството од Неготино.

- Земјоделците кои конкурираат согласно најновиот повик за поддршка од оваа програма, се најмногу заинтересирани за набавка на нови трактори и земјоделска механизација, соопшти Ајтов.

Девет лица од двете општини, пак, имаат аплицирано за обезбедување на финансиска поддршка преку Националната програма за рурален развој.

- На сите кои се јавија на последните повици за поддршка според овие две програми, им помагаме во дополнување на документацијата, рече Ајтов.

Истовремено, додаде тој, во Агенцијата им стојат на располагање на сите земјоделци,  да им дадат совети околу најразлични прашања од областа на земјоделството.