Иран ја активирал противвоздушната одбрана над градот Исфахан
Над иранскиот град Исфахан во текот на ноќта биле активирани системите за противвоздушна одбрана, соопшти денеска Револуционерна гарда на Иран.
Неколку експлозии во текот на ноќта предизвикале загриженост за можен израелски напад, пренесе ДПА.
Иранската новинска агенција Фарс, повикувајќи се на извор во Револуционерната гарда, јави дека системите за противвоздушна одбрана реагирале откако забележале „сјаен објект“.
Според извештајот, тоа не била планирана вежба и немало непријателски контакт. Државното радио го опиша како одбранбен маневар.
Пред нешто помалку од една недела, Исламската револуционерна гарда, елитните воени сили на Иран, истрела околу 200 проектили врз Израел.
Нападот дојде по серијата насочени убиства од страна на Израел на клучните фигури во мрежата на недржавни сојузници на Иран. Израел соопшти дека ќе возврати.
Градот Исфахан, со својата персиско-исламска архитектура, се смета за една од најпопуларните туристички дестинации во земјата.
Во градот исто така се сместени важни објекти од одбранбената индустрија и нуклеарната програма на земјата.
Ново на Сител
-
Преглед на вести од светот
-
Мендух Тачи и официјално надвор од Европскиот фронт, ДУИ сè уште го бројат за нивен
-
Муртезани: Се бара ново решение за спорот со Бугарија со претставници од ЕУ, ќе биде обелоденето по бугарските избори
-
Лидерите од регионот порачаа: Европската унија не е целосна без Западен Балкан
-
Македонија се задолжи 500 милиони евра во Унгарија
-
Дурмиши: Без ограничени маржи, храната ќе се продаваше поскапо
-
Македонија е на петто место во Европа по иселувањето на високообразовен кадар
-
ДСЗИ заврши, на ред е стручната комисија – Дали има лекарски пропуст во третманот на 14 месечното бебе кое почина на Детска?