Истражување: Под површината на Марс има вода што би наполнила океан
Истражувачите пронајдоа докази за голем подземен резервоар со течна вода на Марс, доволен за да ги наполни океаните на површината на планетата.
Користејќи ги податоците од инструментот „Инсајт“ на НАСА од површината на Марс, научниците процениле дека количината на подземна вода може да ја покрие целата планета на длабочина од еден до два километри.
Сепак, експертите велат дека акумулацијата веројатно нема да биде од голема корист за секој што се обидува да го искористи за снабдување на идната колонија на Марс.
Водата се наоѓа во ситни пукнатини и пори во карпата во средината на кората на Марс, помеѓу 11,5 и 20 километри под површината.
Дури и на Земјата, дупчењето дупка длабока километар е предизвик.
Научниците од Земјата испратија бројни сонди и други уреди на Марс за да откријат што се случило со водата што била на планетата пред околу три милијарди години, како и дали има или постоело живот на планетата.
Експертите сугерираат дека наодите се показател дека голем дел од водата не отишла во вселената, туку се филтрирала во планетарната кора.
Наодите се објавени во списанието „Proceedings of the National Academy of Sciences“.
Ново на Сител
-
Заемот од Унгарија пред пратениците
-
ВМРО-ДПМНЕ: Во МЕПСО се трошело без усул
-
Оризарите обвинуваат, ориз од увоз се дакларира и продава како кочански
-
Полначи за електрични возила на југот од Македонија
-
Преглед на вестите од светот
-
Како да се „спасат'' Преспанското и Охридското Езеро?
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол