Иванов-Алијев: Создадени услови за интензивирање на соработката меѓу Македонија и Азербејџан
Претседателите на Република Македонија и Република Азербејџан, Ѓорге Иванов и Илхам Алијев, се задоволни од континуираниот политички дијалог на највисоко ниво и имаат заемен заклучок дека односите се пријателски, но недостасува содржина во соработката.
Мислењата за севкупните билатерални односи тие денеска ги разменија на средба во азербејџанската престолнина Баку, каде што Иванов е во работна посета и учествува на 4. Глобален Баку форум.
- Одличните политички односи и контакти, солидната правна рамка и потенцијалите на двете земји, според претседателите Иванов и Алијев, создаваат услови за интензивирање на економската соработка, зголемување на обемот на трговската соработка и на азебрбејџански инвестиции, гасоводни проекти, безбедносна соработка. Македонскиот претседател на средбата ги претстави можностите за инвестирање во земјата, и го запозна претседателот Алијев со поволниот инвестициски амбиент во Република Македонија, со состојбите во македонската економија, како и со оценките на релевантните меѓународни фактори за реформските процеси и економските резултати, соопшти Кабинетот на Претседателот на Република Македонија.
Претседателот Иванов ја реафирмираше поканата за официјална посета на претседателот Алијев на Република Македонија во втората половина на 2016 година.
На средбата, како што информира Кабинетот, беа разменети мислења за состојбите во регионот, мигрантската криза и безбедносните состојби. Претседателот Иванов го запозна соговорникот со предизвиците од мигрантската криза, како и приоритетите за членство на Република Македонија во ЕУ и во НАТО.
- Претседателот Алијев го запозна македонскиот претседател со состојбите во Нагорно-Карабах и за односите на Азербејџан со Република Ерменија. Двајцата претседатели се согласија за натамошно продолжување и интензивирање на соработката на мултилатерален план. Претседателот Иванов ја прифати поканата за учество на Самитот на алијансата на цивилизациите на Обединетите нации, што на крајот на април ќе се одржи во Баку, соопшти Кабинетот на Иванов за неговата работна посета на Азербејџан.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка