Иванов на Велигденска литургија во Соборниот храм
Претседателот на Република Македонија, Ѓорге Иванов кој присуствуваше на Велигденската воскресна литургија во Соборниот храм „Свети Климент Охридски“ во Скопје на сите православни верници им го честиташе најголемиот христијански празник Воскресение Христово - Велигден.
- На сите што денес го слават Велигден би сакал да им го честитам овој голем христијански празник со традиционалниот поздрав Христос Воскресна, навистина Воскресна. Празникот Велигден не е само воскресение, тоа е празник и момент на лично воздигнување. Како што кажал патронот на нашата црква свети Климент Охридски: Воздигнувањето е престигнување во добрина, рече Иванов.
Значи, посочи Иванов, да бидеме добри граѓани, добри родители, добри деца, да шириме добрина околу нас, затоа што овие моменти најмногу ни треба она што го посакува и Велигден - меѓусебе да си простуваме и да се обединуваме.
- Ни останува да ја сакаме Македонија, затоа што во духот на нашата традиција треба да го сакаме тоа што го имаме, а не тоа што го немаме. Затоа посакувам таа љубов кон Македонија да им ја пренесеме и на сите наши потомци и на вакви моменти да се потсетуваме што се сме дале да ја имаме оваа држава и да си ја чуваме, додаде Иванов.
На Велигденската воскресна литургија во Соборниот храм „Свети Климент Охридски“ присуствуваа и градоначалникот на Град Скопје, Коце Трајановски и директорката на Комисијата за односи со верските заедници и религиозни групи, Валентина Божиновска, како и голем број верници.
Ново на Сител
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени