Иванов-Пахор: Одличната координација околу бегалската криза да продолжи и во иднина
Македонскиот претседател Ѓорге Иванов попладнево на маргините на Минхенската безбедносна конференција оствари средба со претседателот на Република Словенија, Борут Пахор.
Двајцата соговорници, како што јави известувачот на МИА, разменија мислења и информации во однос на актуелната бегалска и мигрантска криза. Во тој контекст, претседателот Иванов го информираше за моменталните состојби на македонско-грчката граница.
Македонскиот претседател се заблагодари за испраќањето на словенечки полициски службеници на нашата јужна граница, и истакна дека Македонија е целосно транспарентна за активностите на нашите институции, како од безбедносен така и од хуманитарен аспект во справувањето со бегалската криза.
Двајцата претседатели се согласија за потребата од продолжување на одличната секојдневна координација и комуникација на македонските и словенечките институции околу сите аспекти на кризата.
Претседателот Пахор ја потврди цврстата словенечка поддршка за Македонија, како во справувањето со бегалската криза, така и за македонските аспирации за полноправно членство во ЕУ и НАТО.
Ново на Сител
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО
-
Хрватска повлекува морска сол од пазарот поради присуството на пластика
-
УХМР со предупредуваање: Следува период на многу топло време
-
Автобус на ЈCП се качи на заштитна ограда пред Мавровка | ФОТО
-
Кривичниот суд ги одби приговорите: На таткото на Вања ќе му се суди за грабнување на ќерката
-
Словачкиот премиер Фицо на прво официјално патување надвор од Братислава по обидот за атентат