Изложба „Сенки“ на академската сликарка Драгица Ристеска-Димитровска

Во ликовниот салон на хотел „Аполонија“ во Гевгелија е отворена самостојна изложба на слики „,Сенки“ од академскиот сликар Драгица Ристеска-Димитровска.

На изложбата се презентираат апстрактни дела изработени во техниките акрил на платно и акрил на тврда подлога, односно дела од последниот циклус на авторката, создадени изминативе две години.

- Целината е инспирирана од безбројни фрагменти, остатоци и сенки  што ги пронаоѓав околу себе во секојдневните предмети и објекти што ги спојував и претворав во апстрактни елементи кои потоа ги отсликував на платно како мој автентичен начин на сликарско изразување, рече Ристеска-Димитровска.

Самостојната изложба на академскиот сликар Драгица Ристеска-Димитровска ќе биде отворена седум дена.