Изведба на операта „Евгениј Онегин“ во хуманитарни цели
Во Македонската опера и балет, утревечер ќе биде изведена оперската претстава „Евгениј Онегин“ од Петар Илич Чајковски, а собраните средства ќе бидат наменети за Здружението на деца со оштетен вид при Центарот за лица со оштетен вид.
Акцијата, како што соопшти МОБ, е со цел создавање музичка аудиотека, а ќе биде насочена и за купување музички инструменти за лица со оштетен вид.
Со „Евгениј Онегин“ беа отворени овогодинешните Мајски оперски вечери, а претставата имаше одличен одѕив кај публиката и кај стручната критика.
Диригент ќа биде Иван Еминовиќ, режијата е на Дејан Пројковски, сценограф е Валентин Светозарев, костимограф Марија Пупучевска, а кореограф Олга Панго.
Во насловнмата улога настапува гостинот од Украина, Александар Малишко, а дел од екипата се и: Марика Поповиќ (Ларина), Сандра Митровска (Татјана), Николина Јаневска (Олга), Елена Тасевска (Филипјевна), Дарко Нешовски (Ленски), Владимир Саздовски (Кнез Гремин), Диме Петров (Капетан) и Борко Биџовски (Зарецки).
Цената на билетот за хуманитарната претстава изнесува 200 денари, а ќе биде изведенасо почеток од 20 часот.
Ново на Сител
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада
-
Прва официјална посета на Силјановска Давкова ќе биде во Ватикан и Рим
-
9 месечно бебе донесено во итната помош без знаци на живот
-
Полициска службеничка мамела социјалци за станови