Јерков: Му честитам на Заев за храброста
Потпретседателката на српската опозициска Демократска партија (ДС) Александра Јерков му честита на премиерот Зоран Заев на, „одговорните, мудри и храбри потези“ за решавањето на повеќедеценискиот спор со Грција.
Александра Јерков која е и пратеничка во српското Собрание, заедно со пратеничката Маја Виденовиќ учествуваа во Скопје на Меѓународната конференција за европската иднина на Македонија, во пресрет на престојниот референдум и европските интеграции и помирувањето во регионот, како и на предизвиците на кои стојат пред балканските држави.
Во соопштението, што го пренесе српската Б 92, Јерков му честитала на Заев и поради тоа што во „ниеден момент не ги изманипулирал граѓаните со нивните чувства и стравот, ниту имал намера да ја избегне одговорноста.“
Таа истакна дека на српските власти, како и во другите балкански земји, им одговара да во регионот постојано егзистираат горливи конфликти кои секој момент можат да ескалираат, бидејќи тоа е средството со кое се собираат ефтини политички поени и граѓаните се доведуваат во заблуда.
Конференцијата во Скопје е организирана од Социјалдемократскиот сојуз на Македонија, Лабуристичката партија на Голема Британија, шведската социјалдемократска странка, холандските социјалдемократи, како и од Европскиот форум. На неа учествуваа пратеници и преставници на социјалдемократските партии од 15 држави.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово