Јилдирим: Меѓународната заедница недоволно им помага на бегалците
Турскиот премиер Бинали Јилдирим денеска ја обвини меѓународната заедница дека не им дава доволна помош на сириските бегалци, јави Анадолија.
Според Јилдирим, во справувањето со проблемите со бегалците, меѓународната заедница не смее да се потпира само на напорите на Турција.
- Меѓунардоната заеднициа треба да се потсети на својата одговорност. Ние ќе направиме се што е во наша моќ, но сакаме и останатите земји да го одработат својот дел, изјави Јилдирим.
Тој нагласи дека меѓународната заедници донирала 700 милиони долари за бегалците сместени во Турција, што, според него, не е доволно за задоволување на нивните потреби.
Според официјалните податоци, во Турција престојуваат околу три милиони бегалци, во најголемиот број Сиријци, од кои само 10 отсто се наоѓаат во некој од 26-те бегалски кампови во пограничните региони кон Сирија, додека останатите се сместени ширум територијата на земјата.
- Тие се наши соседи, наши браќа, но пред се се човечки суштества, истакна Јилдирим.
Турските власти тврдат дека за помош и згрижување на бегалците досега поторшиле околу 25 милијарди евра.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори