Јотовски со мал скок на АТП листата ја заврши 2015 година

Најдобриот македонски тенисер Томислав Јотовски календарската година 2015 ја заврши со скок од две места што му ја донесе 666.та позиција на АТП листата со 43 поени. Јотовски ланската година беше рангиран како 546-ти, а на 15.јуни годинава го имаше и својот најдобар пласман 510.место.

Но, повредите и исцрпувачките мечеви го спречија оваа година да забележи триумф на фјучрс турнир. Тој беше финалист на два фјучрса во сингл (Босна и Херцеговина и Тунис). Во конкуренција на двојки тој е единствениот наш тенисер кој има ранг - 798.место со 54 поени, а притоа имаше и две турнирски победи (двете во Србија).

Другите македонски тенисери го имаат следниот ранг:

1.310. Стефан Мицов 5 поени

1.558. Бесир Дургути 3

1.663. Бојан Јанкуловски 2

1.727. Шендрит Деари 2

2.147. Горазд Србљак 1